Itimad ud-Daulah's tomb, from the Berger Collection
Itimad ud-Daulah's tomb, from the Berger Collection
gaʾī vuh bāt kih ho guft-go to kyūñkar
ho
kahe se kuchh nah huʾā phir kaho to kyūñkar ho
hamāre żahn meñ us fikr kā hai nām
viṣāl
kih gar nah ho to kahāñ jāʾeñ ho to kyūñkar ho
adab hai aur yihī kashmakash to kyā
kīje
ḥayā hai aur yihī gomago to kyūñkar ho
tumhīñ kaho kih guzārā ṣanam-parastoñ
kā
butoñ kī ho agar aisī hī ḳho to kyūñkar ho
ulajhte ho tum agar dekhte ho āʾīnah
jo tum se shahr meñ hoñ ek do to kyūñkar ho
jise naṣīb ho roz-e siyāh merā sā
vuh shaḳhṣ din nah kahe rāt ko to kyūñkar ho
hameñ phir un se umīd aur uñheñ
hamārī qadr
hamārī bāt hī pūchheñ nah vo to kyūñkar ho
ġhalat̤ nah thā hameñ ḳhat̤ par gumāñ
tasallī kā
nah māne dīdah-e dīdār-jo to kyūñkar ho
batāʾo us mizhah ko dekh kar kih mujh
ko qarār
yih nesh ho rag-e jāñ meñ faro to kyūñkar ho
mujhe junūñ nahīñ ġhālib vale bah
qaul-e ḥuẓūr
firāq-e yār meñ taskīn ho to kyūñkar ho