Itimad ud-Daulah's tomb, from the Berger Collection
Itimad ud-Daulah's tomb, from the Berger Collection
kisī ko de ke dil koʾī
navā-sanj-e fiġhāñ kyūñ ho
nah ho jab dil hī sīne meñ to phir muñh meñ zabāñ kyūñ ho
vuh apnī ḳhū nah chhoṛeñge
ham apnī vaẓʿa kyūñ chhoṛeñ
subuk-sar ban ke kyā pūchheñ kih ham se sar-girāñ kyūñ ho
kiyā ġham-ḳhvār ne rusvā
lage āg is muḥabbat ko
nah lāve tāb jo ġham kī vuh merā rāz-dāñ kyūñ ho
vafā kaisī kahāñ kā
ʿishq jab sar phoṛnā ṭhahrā
to phir ai sang-dil terā hī sang-e āstāñ kyūñ ho
qafas meñ mujh se rūdād-e
chaman kahte nah ḍar hamdam
girī hai jis pah kal bijlī vuh merā āshiyāñ kyūñ ho
yih kah sakte ho ham dil meñ
nahīñ haiñ par yih batlāʾo
kih jab dil meñ tumhīñ tum ho to āñkhoñ se nihāñ kyūñ ho
ġhalat̤ hai jażb-e dil kā
shikvah dekho jurm kis kā hai
nah kheñcho gar tum apne ko kashākash darmiyāñ kyūñ ho
yih fitnah ādmī kī
ḳhānah-vīrānī ko kyā kam hai
huʾe tum dost jis ke dushman us kā āsmāñ kyūñ ho
yihī hai āzmānā to
satānā kis ko kahte haiñ
ʿadū ke ho liye jab tum to merā imtiḥāñ kyūñ ho
kahā tum ne kih kyūñ ho
ġhair ke milne meñ rusvāʾī
bajā kahte ho sach kahte ho phir kahyo kih hāñ kyūñ ho
nikālā chāhtā hai kām
kyā t̤aʿnoñ se tū ġhālib
tire be-mihr kahne se vuh tujh par mihrbāñ kyūñ ho