Agra Fort, from the Berger Collection
Agra Fort, from the Berger Collection
ḥusn-e mah garchih bah hangām-e kamāl
achchhā hai
us se merā mah-e ḳhvurshīd-jamāl achchhā hai
bosah dete nahīñ aur dil pah hai har
laḥz̤ah nigāh
jī meñ kahte haiñ kih muft āʾe to māl achchhā hai
aur bāzār se le āʾe agar ṭūṭ
gayā
sāġhar-e jam se mirā jām-e safāl achchhā hai
be-t̤alab deñ to mazah us meñ sivā
miltā hai
vuh gadā jis ko nah ho ḳhū-e savāl achchhā hai
un ke dekhe se jo ā jātī hai raunaq muñh
par
vuh samajhte haiñ kih bīmār kā ḥāl achchhā hai
dekhiye pāte haiñ ʿushshāq butoñ
se kyā faiẓ
ik barahman ne kahā hai kih yih sāl achchhā hai
ham-suḳhan teshe ne farhād ko shīrīñ
se kiyā
jis t̤araḥ kā kih kisī meñ ho kamāl achchhā hai
qat̤rah daryā meñ jo mil jāʾe to
daryā ho jāʾe
kām achchhā hai vuh jis kā kih maʾāl achchhā hai
ḳhiẓr sult̤āñ ko rakhe ḳhāliq-e
akbar sar-sabz
shāh ke bāġh meñ yih tāzah nihāl achchhā hai
ham ko maʿlūm hai jannat kī ḥaqīqat
lekin
dil ke ḳhvush rakhne ko ġhālib yih ḳhayāl achchhā hai