Agra Fort, from the Berger Collection
Agra Fort, from the Berger Collection
kabhī nekī bhī us ke jī meñ gar
ā jāʾe hai mujh se
jafāʾeñ kar ke apnī yād sharmā jāʾe hai mujh se
ḳhudā yā jażbah-e dil kī magar tāṡīr
ulṭī hai
kih jitnā kheñchtā hūñ aur khiñchtā jāʾe hai mujh se
vuh bad-ḳhū aur merī dāstān-e shauq
t̤ūlānī
ʿibārat muḳhtaṣar qāṣid bhī ghabrā jāʾe hai mujh se
udhar vuh bad-gumānī hai idhar yih
nā-tavānī hai
nah pūchhā jāʾe hai us se nah bolā jāʾe hai mujh se
sañbhalne de mujhe ai nā-umīdī kyā
qiyāmat hai
kih dāmān-e ḳhayāl-e yār chhūṭā jāʾe hai mujh se
takalluf bar-t̤araf naz̤z̤āragī meñ
bhī sahī lekin
vuh dekhā jāʾe kab yih z̤ulm dekhā jāʾe hai mujh se
huʾe haiñ pāñv hī pahle nabard-e
ʿishq meñ zaḳhmī
nah bhāgā jāʾe hai mujh se nah ṭhahrā jāʾe hai mujh se
qiyāmat hai kih hove muddaʿī kā
ham-safar ġhālib
vuh kāfir jo ḳhudā ko bhī nah sauñpā jāʾe hai mujh se