Agra Fort, from the Berger Collection
Agra Fort, from the Berger Collection
rone se aur ʿishq meñ be-bāk ho gaʾe
dhoʾe gaʾe ham itne kih bas pāk ho gaʾe
ṣarf-e bahā-e mai huʾe ālāt-e mai-kashī
the yih hī do ḥisāb so yūñ pāk ho gaʾe
rusvā-e dahr go huʾe āvāragī se
tum
bāre t̤abīʿatoñ ke to chālāk ho gaʾe
kahtā hai kaun nālah-e bulbul ko be-aṡar
parde meñ gul ke lākh jigar chāk ho gaʾe
pūchhe hai kyā vujūd-o-ʿadam ahl-e
shauq kā
āp apnī āg ke ḳhas-o-ḳhāshāk ho gaʾe
karne gaʾe the us se taġhāful kā
ham gilah
kī ek hī nigāh kih bas ḳhāk ho gaʾe
is rang se uṭhāʾī kal us ne asad
kī naʿsh
dushman bhī jis ko dekh ke ġham-nāk ho gaʾe
pūchhe hai kyā maʿāsh-e jigar-taftagān-e ʿishq
jūñ shamʿa āp apnī vuh ḳhūrāk ho gaʾe