See the script bar at the bottom of the page for viewing choices.

ṭobah ṭek singh

az saʿādat ḥasan manṭo

[*07*] baṭvāre ke do tīn sāl baʿd pākistān aur hindūstān kī ḥukūmatoñ ko ḳhiyāl āyā kih iḳhlāqī qaidiyoñ kī t̤arḥ pāgaloñ kā tabādilah bhī honā chāhiʾe yaʿnī jo musalmān pāgal , hindūstān ke pāgal-ḳhānoñ meñ haiñ uñheñ pākistān pahuñchā diyā jāʾe aur jo hindū aur sikh pākistān ke pāgal-ḳhānoñ meñ haiñ uñheñ hindūstān ke ḥavāle kar diyā jāʾe -

maʿlūm nahīñ yih bāt maʿqūl thī yā ġhair-maʿqūl , bahar-ḥāl dānish-mandoñ ke faiṣle ke mut̤ābiq idhar udhar ūñchī sat̤ḥ kī kānfaranseñ huʾīñ , aur bā'l-āḳhir ek din pāgaloñ ke tabādile ke liʾe muqarrar ho gayā - achchhī t̤arḥ chhān-bīn kī gaʾī - vuh musalmān pāgal jin ke lavāḥiqīn hindūstān hī meñ the - vuhīñ [*08*] rahne diʾe gaʾe the - jo bāqī the un ko sarḥad par ravānah kar diyā gayā - yahāñ pākistān meñ chūñkih qarīb qarīb tamām hindū sikh jā chuke the - is liʾe kisī ko rakhne rakhāne kā savāl hī nah paidā huʾā - jitne hindū sikh pāgal the - sab ke sab pūlīs kī ḥifāz̤at meñ borḍar par pahuñchā diʾe gaʾe-

*to translation section (1)* -- *on to text section (2)*

-- "Toba Tek Singh" index page -- *Platts Dictionary Online* -- FWP's main page --