ghazal
{293}
 
-- urdu script -- devanagari -- diacritics -- plain roman -- more information --
 

*{293,1}

mustaujib-e z̤ulm-o-sitam-o-jaur-o-jafā hūñ
har chand kih jaltā hūñ pah sar-garm-e vafā hūñ

{293,2}

āte haiñ mujhe ḳhūb se donoñ hunar-e ʿishq
rone ke taʾīñ āñdhī hūñ kuṛhne ko balā hūñ

{293,3}

is gulshan-e dunyā meñ shiguftah nah huʾā maiñ
hūñ ġhunchah-e afsurdah kih mardūd-e ṣabā hūñ

{293,4}

ham-chashm hai har ābilā-e pā kā mirā ashk
az bas kih tirī rāh meñ āñkhoñ se chalā hūñ

{293,5}

āyā koʾī bhī t̤arḥ mire chain kī hogī
āzurdah hūñ jīne se maiñ marne se ḳhafā hūñ

{293,6}

dāman nah jhaṭak hāth se mere kih sitamgar
hūñ ḳhāk-e sar-e rāh koʾī dam meñ havā hūñ

*{293,7}

dil-ḳhvāh jalā ab tū mujhe ai shab-e hijrāñ
maiñ soḳhtah bhī muntaz̤ir-e roz-e jazā hūñ

*{293,8}

go t̤āqat-o-ārām-o-ḳhvur-o-ḳhvāb gaʾe sab
bāre yih ġhanīmat hai kih jītā to rahā hūñ

{293,9}

ātā hī mujhe ʿilm hai kuchh maiñ hūñ bahar chīz
maʿlūm nahīñ ḳhūb mujhe bhī kih maiñ kyā hūñ

{293,10}

bihtar hai ġharaẓ ḳhāmushī hī kahne se yārāñ
mat pūchho kuchh aḥvāl kih mar mar ke jiyā hūñ

{293,11}

tab garm suḳhan kahne lagā hūñ maiñ kih ik ʿumr
jūñ shamʿa sar-e shām se tā ṣubḥ jalā hūñ

*{293,12}

sīnah to kiyā faẓl-e ilâhī se sabhī chāk
hai vaqt-e duʿā mīr kih ab dil ko lagā hūñ

 

{293,trans.}

Translations