ghazal |
![]() |
garchih kab dekhte ho par dekho
ārzū hai kih tum idhar dekho
ʿishq kyā kyā hameñ dikhātā hai
āh tum bhī to ik naz̤ar dekho
yūñ ʿaraq jalvah-gar hai us muñh par
jis t̤araḥ os phūl par dekho
har ḳharāsh-e jabīñ jarāḥat hai
nāḳhun-e shauq kā hunar dekho
thī hameñ ārzū-e lab-ḳhandāñ
so ʿavaẓ
is ke chashm-e tar dekho
rang-e raftah bhī dil ko kheñche hai
ek shab aur yāñ saḥar dekho
dil huʾā hai t̤araf muḥabbat kā
ḳhūn ke qat̤re kā jigar dekho
pahuñche haiñ ham qarīb marne ke
yaʿnī jāte haiñ dūr agar dekho
lut̤f mujh meñ bhī haiñ hazāroñ mīr
dīdanī hūñ jo soch kar dekho