ghazal
{386}
 
-- urdu script -- devanagari -- diacritics -- plain roman -- more information --
 

*{386,1}

achchhī lage hai tujh bin gul-gasht-e bāġh kis ko
ṣuḥbat rakhe guloñ se itnā dimāġh kis ko

*{386,2}

be-soz dāġh-e dil par gar jī jale bajā hai
achchhā lage hai apnā ghar be-chirāġh kis ko

*{386,3}

ṣad chashm-e dāġh vā haiñ dil par mire maiñ vuh hūñ
dikhlā rahā hai lālah tū apnā dāġh kis ko

{386,4}

gul-chīn-e ʿaish hote ham bhī chaman meñ jā kar
āh-o-fiġhāñ se apnī lekin farāġh kis ko

{386,5}

kar shukr-e chashm-e pur-ḳhūñ ai mast-e dard-e ulfat
dete haiñ surḳh mai se bhar kar ayāġh kis ko

{386,6}

us kī balā se jo ham ai mīr gum bhī hoveñ
ham se ġharīb kā ho fikr-e surāġh kis ko