ghazal
{420}
 
-- urdu script -- devanagari -- diacritics -- plain roman -- more information --
 

*{420,1}

jigar lohū ko tarse hai maiñ sach kahtā hūñ dil-ḳhastah
dalīl us kī numāyāñ hai mirī āñkheñ haiñ ḳhūñ-bastah

{420,2}

chaman meñ dil-ḳharāsh āvāz ātī hai chalī shāyad
pas-e dīvār-e gulshan nālah-kash hai koʾī par-bastah

{420,3}

jigar-sozān-o-dil-biryāñ barahnah-pā-o-sar-qurbāñ
tajāvuz kyā karūñ us se kih un hī kā hūñ vābastah

*{420,4}

tire kūche meñ yak-sar ʿāshiqoñ ke ḳhār-e mizhgāñ haiñ
jo tū ghar se kabhū nikle to rakhyo pāʾoñ āhastah

*{420,5}

mire āge nahīñ hañstā to ā ik ṣulḥ kartā hūñ
bhalā maiñ roʾūñ do daryā tabassum kar tū yak pastah

{420,6}

taʿajjub hai mujhe yih sarv ko āzād kahte haiñ
sarāpā dil kī ṣūrat jis kī ho vuh kyā ho vā-rastah

*{420,7}

tirī gul-gasht kī ḳhāt̤ir banā hai bāġh dāġhoñ se
par-e t̤āʾūs sīnah hai tamāmī dast gul-dastah

*{420,8}

bajā hai gar falak par faḳhr se pheñke kulāh apnī
kahe jo is zamīñ meñ mīr yak miṣrāʿ-e bar-jastah