ghazal
{693}
 
-- urdu script -- devanagari -- diacritics -- plain roman -- more information --
 

*{693,1}

kal dil-āzurdah gulistāñ se gużar ham ne kiyā
gul lage kahne kaho muñh nah udhar ham ne kiyā

*{693,2}

kar gaʾī ḳhvāb se bedār tumheñ ṣubḥ kī bāʾo
be-dimāġh itne jo ho ham pah magar ham ne kiyā

{693,3}

sīdhe talvār ke muñh par tirī ham āʾe chale
kyā kareñ is dil-e ḳhastah ko sipar ham ne kiyā

*{693,4}

nīmchah hāth meñ mastī se lahū sī āñkheñ
saj tirī dekh ke ai shoḳh ḥażar ham ne kiyā

{693,5}

pāʾoñ ke nīche kī miṭṭī bhī nah hogī ham sī
kyā kaheñ ʿumr ko is t̤arḥ basar ham ne kiyā

*{693,6}

khā gayā nāḳhun-e sar-tez jigar dil donoñ
rāt kī sīnah-ḳharāshī meñ hunar ham ne kiyā

*{693,7}

kām un hoñṭoñ se vuh le jo koʾī ham sā ho
dekhte dekhte hī āñkhoñ meñ ghar ham ne kiyā

{693,8}

jaise ḥasrat liye jātā hai jahāñ se koʾī
āh yūñ kūchah-e dil-bar se safar ham ne kiyā

*{693,9}

bāre kal ṭhahr gaʾe z̤ālim-e ḳhūñ-ḳhvār se ham
munṣifī kīje to kuchh kam nah jigar ham ne kiyā

{693,10}

us ruḳh-o-zulf kī tasbīḥ hai yāñ akṡar mīr
vird apnā yihī ab shām-o-saḥar ham ne kiyā

 

{693,trans.}

Translations