ghazal
{718}
 
-- urdu script -- devanagari -- diacritics -- plain roman -- more information --
 

{718,1}

yih mīr-e sitam-kushtah kisū vaqt javāñ thā
andāz suḳhan kā sabab-e shor-o-fuġhāñ thā

{718,2}

jādū kī paṛī parchah-e abyāt thā us kā
muñh takye ġhazal paṛhte ʿajab siḥr-e bayāñ thā

{718,3}

jis rāh se vuh dil-zadah dillī se nikaltā
sāth us ke qiyāmat kā sā hangāmah ravāñ thā

{718,4}

afsurdah nah thā aisā kih jūñ āb-zadah ḳhāk
āñdhī thī balā thā koʾī āshob-e jahāñ thā

{718,5}

kis martabah thī ḥasrat-e dīdār mire sāth
jo phūl mirī ḳhāk se niklā nigarāñ thā

{718,6}

majnūñ ko ʿabaṡ dāvâ-e vaḥshat hai mujhī se
jis din kih junūñ mujh ko huʾā thā vuh kahāñ thā

{718,7}

ġhāfil the ham aḥvāl-e dil-e ḳhastah se apne
vuh ganj usī kunj-e ḳharābī meñ nihāñ thā

{718,8}

kis zor se farhād ne ḳhārā-shikanī kī
har-chand kih vuh bekas-o-be-tāb-o-tavāñ thā

{718,9}

go mīr jahāñ meñ kiñhoñ ne tujh ko nah jānā
maujūd nah thā tū to kahāñ nām-o-nishāñ thā

 

{718,trans.}

Translations