ghazal
{1098}
 
-- urdu script -- devanagari -- diacritics -- plain roman -- more information --
 

*{1098,1}

aḥvāl nah pūchho kuchh ham z̤ulm-rasīdoñ kā
kyā ḥāl muḥabbat ke āzār-kashīdoñ kā

*{1098,2}

dīvānagī ʿāshiq kī samjho nah libāsī hai
ṣad-pārah jigar bhī hai ham jāmah-darīdoñ kā

*{1098,3}

ʿāshiq hai dil apnā to gul-gasht-e gulistāñ meñ
jadval ke kināre ke nau-bāvah-damīdoñ kā

{1098,4}

nā-chār gaʾe māre maidān-e muḥabbat meñ
pāyā nah gayā chārah kuchh us ke shahīdoñ kā

*{1098,5}

patte ke khaṛakne se hotī hai hameñ vaḥshat
kyā t̤aur hai ham apne sāye se ramīdoñ kā

{1098,6}

kyā kyā nah gayā us bin ṣabr aur dimāġh-o-dil
raunaq gaʾī bashre se phir nūr bhī dīdoñ kā

{1098,7}

karte haiñ pas az sāle dil-shād gale lag kar
so mīr vuh milnā bhī ab tark hai ʿīdoñ kā