Qutb Minar

Fatahpur Sikri, from the Berger Collection

 

Ghazal 10

12 divan verses (out of 12); rhyming elements: āñ kā
composed after 1826; Arshi #37

-- urdu script -- devanagari -- diacritics -- plain roman -- more information --

{10,1}

satāyish-gar hai zāhid is qadar jis bāġh-e riẓvāñ kā
vuh ik guldastah hai ham be-ḳhvudoñ ke t̤āq-e nisyāñ kā

{10,2}

bayāñ kyā kījiye bedād-e kāvish'hā-e mizhgāñ kā
kih har ik qat̤rah-e ḳhūñ dānah hai tasbīḥ-e marjāñ kā

{10,3}

nah āʾī sat̤vat-e qātil bhī mānaʿ mere nāloñ ko
liyā dāñtoñ meñ jo tinkā huʾā reshah nayastāñ kā

{10,4}

dikhāʾūñgā tamāshā dī agar furṣat zamāne ne
mirā har dāġh-e dil ik tuḳhm hai sarv-e chirāġhāñ kā

{10,5}

kiyā āʾīnah-ḳhāne kā vuh naqshah tere jalve ne
kare jo partav-e ḳhvurshīd ʿālam shabnamistāñ kā

{10,6}

mirī taʿmīr meñ muẓmar hai ik ṣūrat ḳharābī kī
hayūlâ barq-e ḳhirman kā hai ḳhūn-e garm dihqāñ kā

{10,7}

ugā hai ghar meñ har sū sabzah vīrānī tamāshā kar
madār ab khodne par ghās ke hai mere darbāñ kā

{10,8}

ḳhamoshī meñ nihāñ ḳhūñ-gashtah lākhoñ ārzūʾeñ haiñ
chirāġh-e murdah hūñ maiñ be-zabāñ gor-e ġharībāñ kā

{10,9}

hanūz ik partav-e naqsh-e ḳhayāl-e yār bāqī hai
dil-e afsurdah goyā ḥujrah hai yūsuf ke zindāñ kā

{10,10}

baġhal meñ ġhair kī āj āp sote haiñ kahīñ varnah
sabab kyā ḳhvāb meñ ā kar tabassumhā-e pinhāñ kā

{10,11}

nahīñ maʿlūm kis kis kā lahū pānī huʾā hogā
 qiyāmat hai sirishk-ālūdah honā terī mizhgāñ kā

{10,12}

naz̤ar meñ hai hamārī jādah-e rāh-e fanā ġhālib
kih yih shīrāzah hai ʿālam ke ajzā-e pareshāñ kā