Fatahpur Sikri, from the Berger Collection
Fatahpur Sikri, from the Berger Collection
yih nah thī hamārī qismat kih viṣāl-e yār hotā
agar aur jīte rahte yihī intiz̤ār hotā
tire vaʿde par jiye ham to yih jān jhūṭ jānā
kih ḳhvushī se mar nah jāte agar ětibār hotā
tirī nāzukī se jānā kih bañdhā
thā ʿahd bodā
kabhī tū nah toṛ saktā agar ustuvār hotā
koʾī mere dil se pūchhe tire tīr-e nīm-kash ko
yih ḳhalish kahāñ se hotī jo jigar ke pār hotā
yih kahāñ kī dostī hai kih bane haiñ dost nāṣiḥ
koʾī chārah-sāz hotā koʾī ġham-gusār hotā
rag-e sang se ṭapaktā vuh lahū kih phir nah thamtā
jise ġham samajh rahe ho yih agar sharār hotā
ġham agarchih jāñ-gusil hai pah kahāñ bacheñ kih dil hai
ġham-e ʿishq gar nah hotā ġham-e rozgār hotā
kahūñ kis se maiñ kih kyā hai shab-e ġham burī balā hai
mujhe kyā burā thā marnā agar ek bār hotā
huʾe mar ke ham jo rusvā huʾe kyūñ nah ġharq-e daryā
nah kabhī janāzah uṭhtā nah kahīñ mazār hotā
use kaun dekh saktā kih yagānah hai vuh yaktā
jo dūʾī kī bū bhī hotī to kahīñ do chār hotā
yih masāʾil-e taṣavvuf yih tirā bayān
ġhālib
tujhe ham valī samajhte jo nah bādah-ḳhvār hotā