Tughluqabad

Fatahpur Sikri, from the Berger Collection

 

Ghazal 46

7 divan verses (out of 7); rhyming elements: āʾeñ kyā
composed 1854; Arshi #46

-- urdu script -- devanagari -- diacritics -- plain roman -- more information --

{46,1}

jaur se bāz āʾe par bāz āʾeñ kyā
kahte haiñ ham tujh ko muñh dikhlāʾeñ kyā

{46,2}

rāt din gardish meñ haiñ sāt āsmāñ
ho rahegā kuchh nah kuchh ghabrāʾeñ kyā

{46,3}

lāg ho to us ko ham samjheñ lagāʾo
jab nah ho kuchh bhī to dhokā khāʾeñ kyā

{46,4}

ho liye kyūñ nāmah-bar ke sāth sāth
yā rab apne ḳhat̤ ko ham pahuñchāʾeñ kyā

{46,5}

mauj-e ḳhūñ sar se guzar hī kyūñ nah jāʾe
āstān-e yār se uṭh jāʾeñ kyā

{46,6}

ʿumr bhar dekhā kiyā marne kī rāh
mar gaye par dekhiye dikhlāʾeñ kyā

{46,7}

pūchhte haiñ vuh kih ġhālib kaun hai
koʾī batlāʾo kih ham batlāʾeñ kyā