Ghazal 49

{49,1}

phir huʾā vaqt kih ho bāl-kushā mauj-e sharāb
de bat̤-e mai ko dil-o-dast-e shinā mauj-e sharāb

{49,2}

pūchh mat vaj'h-e siyah-mastī-e arbāb-e chaman
sāyah-e tāk meñ hotī hai havā mauj-e sharāb

{49,3}

jo huʾā ġharqah-e mai baḳht-e rasā rakhtā hai
sar se guzre pah bhī hai bāl-e humā mauj-e sharāb

{49,4}

This is the first verse of a two-verse verse-set.

hai yih barsāt vuh mausam kih ʿajab kyā hai agar
mauj-e hastī ko kare faiẓ-e havā mauj-e sharāb

{49,5}

This is the second verse of a two-verse verse-set.

chār-mauj uṭhtī hai t̤ūfān-e t̤arab se har sū
mauj-e gul mauj-e shafaq mauj-e ṣabā mauj-e sharāb

{49,6}

jis qadar rūḥ-e nabātī hai jigar-tishnah-e nāz
de hai taskīñ bah dam-e āb-e baqā mauj-e sharāb

{49,7}

baskih dauṛe hai rag-e tāk meñ ḳhūñ ho ho kar
shahpar-e rang se hai bāl-kushā mauj-e sharāb

{49,8}

maujah-e gul se chirāġhāñ hai guzar-gāh-e ḳhayāl
hai taṣavvur meñ z-bas jalvah-numā mauj-e sharāb

{49,9}

nashshe ke parde meñ hai maḥv-e tamāshā-e dimāġh
baskih rakhtī hai sar-e nushv-o-namā mauj-e sharāb

{49,10}

ek ʿālam pah haiñ t̤ūfānī-e kaifīyat-e faṣl
maujah-e sabzah-e nau-ḳhez se tā mauj-e sharāb

{49,11}

sharḥ-e hangāmah-e hastī hai zahe mausam-e gul
rahbar-e qat̤rah bah daryā hai ḳhvushā mauj-e sharāb

{49,12}

hosh uṛte haiñ mire jalvah-e gul dekh asad
phir huʾā vaqt kih ho bāl-kushā mauj-e sharāb