kyūñ jal gayā nah tāb-e ruḳh-e yār
dekh kar
jaltā hūñ apnī t̤āqat-e dīdār dekh kar
ātish-parast kahte haiñ ahl-e jahāñ
mujhe
sar-garm-e nālah'hā-e sharar-bār dekh kar
kyā ābrū-e ʿishq jahāñ ʿām ho
jafā
ruktā hūñ tum ko be-sabab āzār dekh kar
ātā hai mere qatl ko par josh-e rashk
se
martā hūñ us ke hāth meñ talvār dekh kar
ṡābit huʾā hai gardan-e mīnā pah
ḳhūn-e ḳhalq
larze hai mauj-e mai tirī raftār dekh kar
vā ḥasratā kih yār ne kheñchā
sitam se hāth
ham ko ḥarīṣ-e lażżat-e āzār dekh kar
bik jāte haiñ ham āp matāʿ-e suḳhan
ke sāth
lekin ʿayār-e t̤abʿ-e ḳharīdār dekh kar
zunnār bāñdh subḥah-e ṣad-dānah
toṛ ḍāl
rahrau chale hai rāh ko hamvār dekh kar
in ābiloñ se pāñv ke ghabrā gayā
thā maiñ
jī ḳhvush huʾā hai rāh ko pur-ḳhār dekh kar
kyā bad-gumāñ hai mujh se kih āʾīne
meñ mire
t̤ūt̤ī kā ʿaks samjhe hai zangār dekh kar
girnī thī ham pah barq-e tajallī
nah t̤ūr par
dete haiñ bādah z̤arf-e qadaḥ-ḳhvār dekh kar
sar phoṛnā vuh ġhālib-e shorīdah-ḥāl
kā
yād ā gayā mujhe tirī dīvār dekh kar