Tughluqabad

Akbar's tomb at Sikandra, from the Berger Collection

 

Ghazal 62

11 divan verses (out of 11); rhyming elements: aa;N aur
composed 1852; Arshi #65

{62,1}

hai baskih har ik un ke ishaare me;N nishaa;N aur
karte hai;N mu;habbat to guzartaa hai gumaa;N aur

{62,2}

yaa rab vuh nah samjhe hai;N nah samjhe;Nge mirii baat
de aur dil un ko jo nah de mujh ko zabaa;N aur

{62,3}

abruu se hai kyaa us nigah-e naaz ko paivand
hai tiir muqarrar magar us kii hai kamaa;N aur

{62,4}

tum shahr me;N ho to hame;N kyaa ;Gam jab u;The;Nge
le aa))e;Nge baazaar se jaa kar dil-o-jaa;N aur

{62,5}

har-chand subuk-dast hu))e but-shikanii me;N
ham hai;N to abhii raah me;N hai sang-e giraa;N aur

{62,6}

hai ;xuun-e jigar josh me;N dil khol ke rotaa
hote jo ka))ii diidah-e ;xuun-aabah-fishaa;N aur

{62,7}

martaa huu;N us aavaaz pah har-chand sar u;R jaa))e
jallaad ko lekin vuh kahe jaa))e;N kih haa;N aur

{62,8}

logo;N ko hai ;xvurshiid-e jahaa;N-taab kaa dhokaa
har roz dikhaataa huu;N mai;N ik daa;G-e nihaa;N aur

{62,9}

letaa nah agar dil tumhe;N detaa ko))ii dam chain
kartaa jo nah martaa ko))ii din aah-o-fi;Gaa;N aur

{62,10}

paate nahii;N jab raah to cha;Rh jaate hai;N naale
ruktii hai mirii :tab((a to hotii hai ravaa;N aur

{62,11}

hai;N aur bhii dunyaa me;N su;xan-var bahut achchhe
kahte hai;N kih ;Gaalib kaa hai andaaz-e bayaa;N aur