Qutb Minar, from the Berger Collection
Qutb Minar, from the Berger Collection
kī vafā ham se to ġhair us ko jafā
kahte haiñ
hotī āʾī hai kih achchhoñ ko burā kahte haiñ
āj ham apnī pareshānī-e ḳhāt̤ir
un se
kahne jāte to haiñ par dekhiye kyā kahte haiñ
agle vaqtoñ ke haiñ yih log uñheñ
kuchh nah kaho
jo mai-o-naġhmah ko andoh-rubā kahte haiñ
dil meñ ā jāʾe hai hotī hai jo
furṣat ġhash se
aur phir kaun-se nāle ko rasā kahte haiñ
hai pare sarḥad-e idrāk se apnā masjūd
qible ko ahl-e naz̤ar qiblah-numā kahte haiñ
pā-e afgār pah jab se tujhe raḥm
āyā hai
ḳhār-e rah ko tire ham mihr-giyā kahte haiñ
ik sharar dil meñ hai us se koʾī
ghabrāʾegā kyā
āg mat̤lūb hai ham ko jo havā kahte haiñ
dekhiye lātī hai us shoḳh kī naḳhvat
kyā rang
us kī har bāt pah ham nām-e ḳhudā kahte haiñ
vaḥshat-o-sheftah ab marṡiyah kahveñ
shāyad
mar gayā ġhālib-e āshuftah-navā kahte haiñ