Qubbat ul-Islam Mosque, from the Berger Collection
Qubbat ul-Islam Mosque, from the Berger Collection
ābrū kyā ḳhāk us gul kī kih gulshan
meñ nahīñ
hai garebāñ nang-e pairāhan jo dāman meñ nahīñ
ẓuʿf se ai giryah kuchh bāqī mire
tan meñ nahīñ
rang ho kar uṛ gayā jo ḳhūñ kih dāman meñ nahīñ
ho gaʾe haiñ jamʿa ajzā-e nigāh-e
āftāb
żarre us ke ghar kī dīvāroñ ke rauzan meñ nahīñ
kyā kahūñ tārīkī-e zindān-e ġham
andher hai
punbah nūr-e ṣubḥ se kam jis ke rauzan meñ nahīñ
raunaq-e hastī hai ʿishq-e ḳhānah-vīrāñ-sāz
se
anjuman be-shamʿa hai gar barq ḳhirman meñ nahīñ
zaḳhm silvāne se mujh par chārah-jūʾī
kā hai t̤aʿn
ġhair samjhā hai kih lażżat zaḳhm-e sozan meñ nahīñ
baskih haiñ ham ik bahār-e nāz ke
māre huʾe
jalvah-e gul ke sivā gard apne madfan meñ nahīñ
qat̤rah qat̤rah ik hayūlâ hai naʾe
nāsūr kā
ḳhūñ bhī żauq-e dard se fāriġh mire tan meñ nahīñ
le gaʾī sāqī kī naḳhvat qulzum-āshāmī
mirī
mauj-e mai kī āj rag mīnā kī gardan meñ nahīñ
ho fishār-e ẓuʿf meñ kyā nā-tavānī
kī namūd
qad ke jhukne kī bhī gunjāʾish mire tan meñ nahīñ
thī vat̤an meñ shān kyā ġhālib
kih ho ġhurbat meñ qadr
be-takalluf hūñ vuh musht-e ḳhas kih gulḳhan meñ nahīñ