Agra Fort, from the Berger Collection
Agra Fort, from the Berger Collection
kyā tang ham sitam-zadagāñ kā jahān
hai
jis meñ kih ek baiẓah-e mor āsmān hai
hai kāʾināt ko ḥarakat tere żauq
se
partav se āftāb ke żarre meñ jān hai
ḥālāñkih hai yih sīlī-e ḳhārā
se lālah rang
ġhāfil ko mere shīshe pah mai kā gumān hai
kī us ne garm sīnah-e ahl-e havas
meñ jā
āve nah kyūñ pasand kih ṭhanḍā makān hai
kyā ḳhūb tum ne ġhair ko bosah nahīñ
diyā
bas chup raho hamāre bhī muñh meñ zabān hai
baiṭhā hai jo kih sāyah-e dīvār-e
yār meñ
farmāñ-ravā-e kishvar-e hindūstān hai
hastī kā ětibār bhī ġham ne miṭā
diyā
kis se kahūñ kih dāġh jigar kā nishān hai
hai bāre ětimād-e vafā-dārī is
qadar
ġhālib ham is meñ ḳhvush haiñ kih nā-mihrbān hai
dillī ke rahne-vālo asad ko satāʾo mat
bechārah chand roz kā yāñ mihmān hai