gar ḳhāmushī se fāʾidah iḳhfā-e
ḥāl hai
ḳhvush hūñ kih merī bāt samajhnī muḥāl hai
kis ko sunāʾūñ ḥasrat-e iz̤hār
kā gilah
dil fard-e jamʿ-o-ḳharj-e zabāñhā-e lāl hai
kis parde meñ hai āʾinah-pardāz
ai ḳhudā
raḥmat kih ʿużr-ḳhvāh-e lab-e be-savāl hai
hai hai ḳhudā nah ḳhvāstah vuh aur
dushmanī
ai shauq-e munfaʿil yih tujhe kyā ḳhayāl hai
mushkīñ libās-e kaʿbah ʿalī ke
qadam se jān
nāf-e zamīn hai nah kih nāf-e ġhazāl hai
vaḥshat pah merī ʿarṣah-e āfāq
tang thā
daryā zamīn ko ʿaraq-e infiʿāl hai
hastī ke mat fareb meñ ā jāʾiyo
asad
ʿālam tamām ḥalqah-e dām-e ḳhayāl hai
pahlū tihī nah kar ġham-o-andoh se asad
dil vaqf-e dard rakh kih faqīroñ kā māl hai