Tughluqabad

Red Fort, from the Berger Collection

 

Ghazal 148

10 verses (out of 10); rhyming elements: at hī sahī
composed after 1816; Arshi #182

-- urdu script -- devanagari -- diacritics -- plain roman -- more information --

{148,1}

ʿishq mujh ko nahīñ vaḥshat hī sahī
merī vaḥshat tirī shuhrat hī sahī

{148,2}

qat̤ʿa kīje nah taʿalluq ham se
kuchh nahīñ hai to ʿadāvat hī sahī

{148,3}

mere hone meñ hai kyā rusvāʾī
ai vuh majlis nahīñ ḳhalvat hī sahī

{148,4}

ham bhī dushman to nahīñ haiñ apne
ġhair ko tujh se muḥabbat hī sahī

{148,5}

apnī hastī hī se ho jo kuchh ho
āgahī gar nahīñ ġhaflat hī sahī

{148,6}

ʿumr har-chand kih hai barq-ḳhirām
dil ke ḳhūñ karne kī furṣat hī sahī

{148,7}

ham koʾī tark-e vafā karte haiñ
nah sahī ʿishq muṣībat hī sahī

{148,8}

kuchh to de ai falak-e nā-inṣāf
āh-o-faryād kī ruḳhṣat hī sahī

{148,9}

ham bhī taslīm kī ḳhū ḍāleñge
be-niyāzī tirī ʿādat hī sahī

{148,10}

yār se chheṛ chalī jāʾe asad
gar nahīñ vaṣl to ḥasrat hī sahī