Agra Fort, from the Berger Collection
Agra Fort, from the Berger Collection
hai āramīdagī meñ nikohish bajā
mujhe
ṣubḥ-e vat̤an hai ḳhandah-e dandāñ-numā mujhe
ḍhūñḍe hai us muġhannī-e ātish-nafas
ko jī
jis kī ṣadā ho jalvah-e barq-e fanā mujhe
mastānah t̤ay karūñ hūñ rah-e vādī-e
ḳhayāl
tā bāz-gasht se nah rahe muddaʿā mujhe
kartā hai baskih bāġh meñ tū be-ḥijābiyāñ
āne lagī hai nak'hat-e gul se ḥayā mujhe
khultā kisī pah kyūñ mire dil kā
muʿāmalah
shiʿroñ ke intiḳhāb ne rusvā kiyā mujhe
vāñ rang'hā bah pardah-e tadbīr haiñ hanūz
yāñ shuʿlah-e chirāġh hai barg-e ḥinā mujhe
parvāz'hā niyāz-e tamāshā-e ḥusn-e dost
bāl-e kushādah hai nigah-e āshnā mujhe
az-ḳhvud-guzashtagī meñ ḳhamoshī pah ḥarf hai
mauj-e ġhubār-e surmah huʾī hai ṣadā mujhe
tā chand past-fit̤ratī-e t̤abʿ-e ārzū
yā rab mile bulandī-e dast-e duʿā mujhe
maiñ ne junūñ se kī jo asad iltimās-e rang
ḳhūn-e jigar meñ ek hī ġhot̤ah diyā mujhe