Agra Fort, from the Berger Collection
Agra Fort, from the Berger Collection
us bazm meñ mujhe nahīñ bantī ḥayā
kiye
baiṭhā rahā agarchih ishāre huʾā kiye
dil hī to hai siyāsat-e darbāñ se
ḍar gayā
maiñ aur jāʾūñ dar se tire bin ṣadā kiye
rakhtā phirūñ hūñ ḳhirqah-o-sajjādah
rahn-e mai
muddat huʾī hai daʿvat-e āb-o-havā kiye
be-ṣarfah hī guzartī hai ho garchih
ʿumr-e ḳhiẓr
ḥaẓrat bhī kal kaheñge kih ham kyā kiyā kiye
maqdūr ho to ḳhāk se pūchhūñ kih
ai laʾīm
tū ne vuh ganj'hā-e girāñ-māyah kyā kiye
kis roz tuhmateñ nah tarāshā kiye
ʿadū
kis din hamāre sar pah nah āre chalā kiye
ṣuḥbat meñ ġhair kī nah paṛī ho
kahīñ yih ḳhū
dene lagā hai bosah baġhair iltijā kiye
ẓid kī hai aur bāt magar ḳhū burī
nahīñ
bhūle se us ne saiñkṛoñ vaʿde vafā kiye
ġhālib tumhīñ kaho kih milegā javāb
kyā
mānā kih tum kahā kiye aur vuh sunā kiye