Agra Fort, from the Berger Collection
Agra Fort, from the Berger Collection
sādagī par us kī mar jāne kī ḥasrat
dil meñ hai
bas nahīñ chaltā kih phir ḳhanjar kaf-e qātil meñ hai
dekhnā taqrīr kī lażżat kih jo
us ne kahā
maiñ ne yih jānā kih goyā yih bhī mere dil meñ hai
garchih hai kis kis burāʾī se vale
bā īñ hamah
żikr merā mujh se bahtar hai kih us maḥfil meñ hai
bas hujūm-e nā-umīdī ḳhāk meñ
mil jāʾegī
yih jo ik lażżat hamārī saʿī-e be-ḥāṣil meñ hai
ranj-e rah kyūñ kheñchiye vā-māñdagī
ko ʿishq hai
uṭh nahīñ saktā hamārā jo qadam manzil meñ hai
jalvah-zār-e ātish-e dozaḳh hamārā
dil sahī
fitnah-e shor-e qiyāmat kis kī āb-o-gil meñ hai
hai dil-e shorīdah-e ġhālib t̤ilism-e
pech-o-tāb
raḥm kar apnī tamannā par kih kis mushkil meñ hai