Agra Fort, from the Berger Collection
Agra Fort, from the Berger Collection
koʾī din gar zindagānī aur hai
apne jī meñ ham ne ṭhānī aur hai
ātish-e dozaḳh meñ yih garmī kahāñ
soz-e ġhamhā-e nihānī aur hai
bār-hā dekhī haiñ un kī ranjisheñ
par kuchh ab ke sar-garānī aur hai
de ke ḳhat̤ muñh dekhtā hai nāmah-bar
kuchh to paiġhām-e zabānī aur hai
qāt̤aʿ-e aʿmār haiñ akṡar nujūm
vuh balā-e āsmānī aur hai
ho chukīñ ġhālib balāʾeñ sab tamām
ek marg-e nāgahānī aur hai