Tughluqabad

Red Fort, from the Berger Collection

 

Ghazal 161

10 divan verses (out of 10); rhyming elements: ar nahii;N aatii
composed after 1847; Arshi #214

{161,1}

ko))ii ummiid bar nahii;N aatii
ko))ii .suurat na:zar nahii;N aatii

{161,2}

maut kaa ek din mu((ayyan hai
nii;Nd kyuu;N raat bhar nahii;N aatii

{161,3}

aage aatii thii ;haal-e dil pah ha;Nsii
ab kisii baat par nahii;N aatii

{161,4}

jaantaa huu;N ;savaab-e :taa((at-o-zuhd
par :tabii((at idhar nahii;N aatii

{161,5}

hai kuchh aisii hii baat jo chup huu;N
varnah kyaa baat kar nahii;N aatii

{161,6}

kyuu;N nah chii;xuu;N kih yaad karte hai;N
mirii aavaaz gar nahii;N aatii

{161,7}

daa;G-e dil gar na:zar nahii;N aataa
buu bhii ai chaarah-gar nahii;N aatii

{161,8}

ham vahaa;N hai;N jahaa;N se ham ko bhii
kuchh hamaarii ;xabar nahii;N aatii

{161,9}

marte hai;N aarzuu me;N marne kii
maut aatii hai par nahii;N aatii

{161,10}

ka((be kis mu;Nh se jaa))oge ;Gaalib
sharm tum ko magar nahii;N aatii