ā kih mirī jān ko
qarār nahīñ hai
t̤āqat-e be-dād-e intiz̤ār nahīñ hai
dete haiñ jannat
ḥayāt-e dahr ke badle
nashshah bah andāzah-e ḳhumār nahīñ hai
giryah nikāle hai terī
bazm se mujh ko
hāʾe kih rone pah iḳhtiyār nahīñ hai
ham se ʿabaṡ hai
gumān-e ranjish-e ḳhāt̤ir
ḳhāk meñ ʿushshāq kī ġhubār nahīñ hai
dil se uṭhā lut̤f-e
jalvah'hā-e maʿānī
ġhair-e gul āʾīnah-e bahār nahīñ hai
qatl kā mere kiyā hai
ʿahd to bāre
vāʾe agar ʿahd ustuvār nahīñ hai
tū ne qasam mai-kashī
kī khāʾī hai ġhālib
terī qasam kā kuchh ětibār nahīñ hai