Agra Fort, from the Berger Collection
Agra Fort, from the Berger Collection
kare hai bādah tire lab se kasb-e rang-e
furoġh
ḳhat̤-e piyālah sarāsar nigāh-e gul-chīñ hai
kabhī to is dil-e shorīdah kī bhī
dād mile
kih ek ʿumr se ḥasrat-parast-e bālīñ hai
bajā hai gar nah sune nālah'hā-e
bulbul-e zār
kih gosh-e gul nam-e shabnam se punbah-āgīñ hai
asad hai nazʿa meñ chal be-vafā barā-e
ḳhudā
maqām-e tark-e ḥijāb-o-vidāʿ-e tamkīñ hai
shafaq bah daʿvâ-e ʿāshiq gavāh-e rangīñ hai
kih māh duzd-e ḥinā-e kaf-e nigārīñ hai
nah pūchh kuchh sar-o-sāmān-e kārobār-e asad
junūñ-muʿāmalah bedil faqīr-e miskīñ hai