Agra Fort, from the Berger Collection
Agra Fort, from the Berger Collection
dekh kar dar-pardah garm-e dāman-afshānī
mujhe
kar gaʾī vā-bastah-e tan merī ʿuryānī mujhe
ban gayā teġh-e nigāh-e yār kā sang-e
fasāñ
marḥabā maiñ kyā mubārak hai girāñ-jānī mujhe
kyūñ nah ho be-iltifātī us kī ḳhāt̤ir
jamʿa hai
jāntā hai maḥv-e pursish'hā-e pinhānī mujhe
mere ġham-ḳhāne kī qismat jab raqam
hone lagī
likh diyā min-jumlah-e asbāb-e vīrānī mujhe
bad-gumāñ hotā hai vuh kāfir nah
hotā kāsh ke
is qadar żauq-e navā-e murġh-e bustānī mujhe
vāʾe vāñ bhī shor-e maḥshar ne
nah dam lene diyā
le gayā thā gor meñ żauq-e tan-āsānī mujhe
vaʿdah āne kā vafā kīje yih kyā
andāz hai
tum ne kyūñ sauñpī hai mere ghar kī darbānī mujhe
hāñ nashāt̤-e āmad-e faṣl-e bahārī
vāh vāh
phir huʾā hai tāzah saudā-e ġhazal-ḳhvānī mujhe
dī mire bhāʾī ko ḥaq ne az sar-e
nau zindagī
mīrzā yūsuf hai ġhālib yūsuf-e ṡānī mujhe