Agra Fort, from the Berger Collection
Agra Fort, from the Berger Collection
bāġh pā kar ḳhafaqānī yih ḍarātā
hai mujhe
sāyah-e shāḳh-e gul afʿī naz̤ar ātā hai mujhe
jauhar-e teġh bah sar-chashmah-e dīgar
maʿlūm
hūñ maiñ vuh sabzah kih zahr-āb ugātā hai mujhe
muddaʿā maḥv-e tamāshā-e shikast-e
dil hai
āʾinah-ḳhāne meñ koʾī liye jātā hai mujhe
nālah sarmāyah-e yak-ʿālam-o-ʿālam
kaf-e ḳhāk
āsmāñ baiẓah-e qumrī naz̤ar ātā hai mujhe
zindagī meñ to vuh maḥfil se uṭhā
dete the
dekhūñ ab mar gaʾe par kaun uṭhātā hai mujhe
bāġh tujh bin gul-e nargis se ḍarātā hai mujhe
chāhūñ gar sair-e chaman āñkh dikhātā hai mujhe
shor-e timṡāl hai kis rashk-e chaman kā yā rab
āʾinah baiẓah-e bulbul naz̤ar ātā hai mujhe
ḥairat-e āʾinah anjām-e junūñ hūñ jyūñ shamʿa
kis qadar dāġh-e jigar shuʿlah uṭhātā hai mujhe
maiñ hūñ aur ḥairat-e jāved magar żauq-e ḳhayāl
bah fusūn-e nigah-e nāz satātā hai mujhe
ḥairat-e fikr-e suḳhan sāz-e salāmat hai asad
dil pas-e zānū-e āʾīnah biṭhātā hai mujhe
māh-e nau hūñ kih falak ʿajz sikhātā hai mujhe
ʿumr bhar ek hī pahlū pah sulātā hai mujhe