See the script bar at the bottom of the page for viewing choices.

*back to text section (8)*

[*15* cont'd] pāgal-ḳhāne meñ ek pāgal aisā bhī thā jo ḳhvud ko ḳhudā kahtā thā - us se jab ek roz bishan siñgh ne pūchhā kih ṭobah ṭek siñgh pākistān meñ hai yā hindūstān meñ , to us ne ḥasb-e ʿādat qahqahah lagāyā aur kahā -" vuh pākistān meñ hai nah hindūstān meñ - is liʾe kih ham ne abhī tak ḥukm [*16*] nahīñ diyā " -

bishan siñgh ne is ḳhudā se kaʾī martabah baṛī minnat samājat se kahā kih vuh ḥukm de de tākih jhañjhaṭ ḳhatm ho magar vuh bahut maṣrūf thā isliʾe kih use aur be-shumār ḥukm dene the - ek din tang ā kar vuh us par baras paṛā - " ūpaṛ dī guṛ guṛ dī enaks dī be dhyānā dī muñg dī dāl āf vāhe gūrū jī dā ḳhālṣah aiñḍ vāhe gūrū jī kī fatḥ --- jo bole so nihāl , sat srī akāl " -

us kā shāyad yih mat̤lab thā kih tum musalmānoñ ke ḳhudā ho --- sikhoñ ke ḳhudā hote to ẓarūr merī sunte -

*to translation section (9)* -- *on to text section (10)*

-- "Toba Tek Singh" index page -- *Platts Dictionary Online* -- FWP's main page --