ghazal
{69}
 
-- urdu script -- devanagari -- diacritics -- plain roman -- more information --
 

*{69,1}

galyoñ meñ ab talak to mażkūr hai hamārā
afsānah-e muḥabbat mashhūr hai hamārā

*{69,2}

maqṣūd ko to dekheñ kab tak pahuñchte haiñ ham
bā al-faʿl ab irādah tā gūr hai hamārā

{69,3}

kyā ārzū thī jis se sab chashm ho gaʾe haiñ
har zaḳhm sau jagah se nāsūr hai hamārā

*{69,4}

tīñ āh ʿishq-bāzī chaupaṛ ʿajab bichhāʾī
kachchī paṛīñ haiñ nardeñ ghar dūr hai hamārā

{69,5}

tā chand pusht-e pā par sharm-o-ḥayā se āñkheñ
aḥvāl kuchh bhī tum ko manz̤ūr hai hamārā

{69,6}

be-t̤āqatī kareñ to tum bhī muʿāf rakhyo
kyā kījiye kih dil bhī majbūr hai hamārā

*{69,7}

haiñ musht-e ḳhāk lekin jo kuchh haiñ mīr ham haiñ
maqdūr se ziyādah maqdūr hai hamārā