ghazal
{74}
 
-- urdu script -- devanagari -- diacritics -- plain roman -- more information --
 

*{74,1}

ġhamze ne us ke chorī meñ dil kī hunar kiyā
us ḳhān-māñ-ḳharāb ne āñkhoñ meñ ghar kiyā

*{74,2}

rang uṛ chalā chaman meñ guloñ kā to kyā nasīm
ham ko to rozgār ne be-bāl-o-par kiyā

*{74,3}

nāfʿa jo thīñ mizāj ko avval so ʿishq meñ
āḳhir unhīñ davāʾoñ ne ham ko ẓarar kiyā

{74,4}

martā hūñ jāñ deñ haiñ vat̤an-dāriyoñ pah log
aur sunte jāte haiñ kih har ik ne safar kiyā

{74,5}

kyā jānūñ bazm-e ʿaish kih sāqī kī chashm dekh
maiñ ṣuḥbat-e sharāb se āge safar kiyā

{74,6}

jis dam kih teġh-e ʿishq khiñchī bū al-havas kahāñ
sun lījiyo kih ham hī ne sīnah sipar kiyā

{74,7}

dil zaḳhmī ho ke tujh taʾīñ pahuñchā to kam nahīñ
us nīm-kushtah ne bhī qiyāmat jigar kiyā

{74,8}

hai kaun āp meñ jo mile tujh se mast-e nāz
żauq-e ḳhabar hī ne to hameñ be-ḳhabar kiyā

*{74,9}

vuh dasht-e ḳhauf-nāk rahā hai mirā vat̤an
sun kar jise ḳhiẓar ne safar se ḥażar kiyā

{74,10}

kuchh kam nahīñ haiñ shubadah-bāzoñ se mai-gusār
dārū pilā ke shaiḳh ko ādam se ḳhar kiyā

*{74,11}

haiñ chāroñ t̤arf ḳhaime khaṛe gird-bād ke
kyā jāniye junūñ ne irādah kidhar kiyā

{74,12}

luknat tirī zabān kī hai siḥr jis se shoḳh
yak ḥarf-e nīm-guftah ne dil par aṡar kiyā

{74,13}

be-sharm maḥẓ hai vuh gunah-gār jin ne mīr
abr-e karam ke sāmne dāmān tar kiyā

 

{74,trans.}

Translations