ghazal
{96}
 
-- urdu script -- devanagari -- diacritics -- plain roman -- more information --
 

*{96,1}

paiġhām-e ġham jigar kā gulzār tak nah pahuñchā
nālah mirā chaman kī dīvār tak nah pahuñchā

{96,2}

us āʾine ke mānind zangār jis ko khāve
kām apnā us ke ġham meñ dīdār tak nah pahuñchā

{96,3}

jūñ naqsh-e pā hai ġhurbat ḥairān-kār us kī
āvārah ho vat̤an se jo yār tak nah pahuñchā

{96,4}

lab-rez-e shikvah the ham lekin ḥuẓūr tere
kār-e shikāyat apnā guftār tak nah pahuñchā

{96,5}

le chashm-e nam-rasīdah pānī chuvāne koʾī
vaqt-e aḳhīr us ke bīmār tak nah pahuñchā

*{96,6}

yih baḳht-e sabz dekho bāġh-e zamānah meñ se
pazhmurdah gul bhī apnī dastār tak nah pahuñchā

*{96,7}

mastūrī ḳhūb-rūʾī donoñ nah jamʿa hoveñ
ḳhūbī kā kām kis kī iz̤hār tak nah pahuñchā

*{96,8}

yūsuf se le ke tā gul phir gul se le ke tā shamʿa
yih ḥusn kis ko le kar bāzār tak nah pahuñchā

*{96,9}

afsos mīr ve jo hone shahīd āʾe
phir kām un kā us kī talvār tak nah pahuñchā

 

{96,trans.}

Translations