ghazal
{276}
 
-- urdu script -- devanagari -- diacritics -- plain roman -- more information --
 

*{276,1}

kyā bulbul-e asīr hai be-bāl-o-par kih ham
gul kab rakhe hai ṭukṛe jigar is qadar kih ham

*{276,2}

ḳhvurshīd-e ṣubḥ nikle hai is nūr se kih tū
shabnam girah meñ rakhtī hai yih chashm-e tar kih ham

{276,3}

jīte haiñ to dikhā deñge daʿvā-e ʿandalīb
gul bin ḳhizāñ meñ ab ke vuh rahtī hai mar kih ham

*{276,4}

yih teġh hai yih t̤asht hai yih ham haiñ kushtanī
khele hai kaun aisī t̤araḥ jān par kih ham

{276,5}

talvāreñ tum lagāte ho ham heñge dam bah-ḳhvud
dunyā meñ yih kare hai koʾī dar-gużar kih ham

*{276,6}

is just-jū meñ aur ḳharābī to kyā kaheñ
itnī nahīñ huʾī hai ṣabā dar bah dar kih ham

{276,7}

jab jā phañsā kahīñ to hameñ yāñ huʾī ḳhabar
rakhtā hai kaun dil tirī itnī ḳhabar kih ham

{276,8}

jīte haiñ aur rote haiñ laḳht-e jigar hai mīr
karte sunā hai yūñ koʾī qīmah-jigar kih ham

 

{276,trans.}

Translations