ghazal
{387}
 
 

*{387,1}

din gu;zartaa hai mujhe fikr hii me;N taa kyaa ho
raat jaatii hai usii ;Gam me;N kih fardaa kyaa ho

*{387,2}

sab hai;N diidaar ke mushtaaq par is se ;Gaafil
;hashr bar-paa ho kih fitnah u;The aayaa kyaa ho

*{387,3}

;xaak-e ;hasrat-zadagaa;N par tuu gu;zar be-vasvaas
un sitam-kushto;N se ab ((ar.z-e tamannaa kyaa ho

{387,4}

gar bihisht aave to aa;Nkho;N me;N mirii phiikii lage
jin ne dekhaa ho tujhe ma;hv-e tamaashaa kyaa ho

{387,5}

shauq jaataa hai hame;N yaar ke kuuche ko liye
jaa ke ma((luum ho kyaa jaaniye us jaa kyaa ho

{387,6}

ek ronaa hii nahii;N aah-o-;Gam-o-naalah-o-dard
hijr me;N zindagii karne ke ta))ii;N kyaa kyaa ho

*{387,7}

;xaak me;N lo;Tuu;N kih lohuu me;N nahaa))uu;N mai;N miir
yaar musta;Gnii hai us ko mirii parvaa kyaa ho