ghazal |
![]() |
nāzukī us ke lab kī kyā kahye
pankhṛī ik gulāb kī sī hai
chashm-e dil khol us bhī ʿālam par
yāñ kī auqāt ḳhvāb kī sī hai
bār bār us ke dar pah jātā hūñ
ḥālat ab iẓt̤irāb kī sī hai
nuqt̤ah-e ḳhāl se tirā abrū
bait ik intiḳhāb kī sī hai
maiñ jo bolā kahā kih yih āvāz
usī ḳhānah-ḳharāb kī sī hai
ātish-e ġham meñ dil bhunā shāyad
der se bū kabāb kī sī hai
dekhiye abr kī t̤araḥ ab ke
merī chashm-e pur-āb kī sī hai
mīr un nīm-bāz āñkhoñ meñ
sārī mastī sharāb kī sī hai
Translations