ghazal
{770}
| ghazal |
|
vuh jo kashish thī us kī t̤araf se kahāñ hai ab
tīr-o-kamāñ hai hāth meñ sīnah nishāñ hai ab
itnā bhī muñh chhupānā ḳhat̤ āʾe pah vaj'h kyā
laṛkā nahīñ hai nām-e ḳhudā tū javāñ hai ab
phūl us chaman ke dekhte kyā kyā jhaṛe haiñ hāʾe
sail-e bahār āñkhoñ se merī ravāñ hai ab
jinn-o-malak zamīn-o-falak sab nikal gaʾe
bār-e girān-e ʿishq-o-dil-e nātavāñ hai ab
niklī thī us kī teġh huʾe ḳhvush-naṣīb log
gardan jhukāʾī maiñ to sunā yih amāñ hai ab
zardī-e rang hai ġham-e poshīdah par dalīl
dil meñ jo kuchh hai muñh se hamāre ʿayāñ hai ab
pesh az dam-e saḥar mirā ronā lahū kā dekh
phūle hai jaise sāñjh vuhī yāñ samāñ hai ab
nālāñ huʾī kih yād hameñ sab ko de gaʾī
gulshan meñ ʿandalīb hamārī zabāñ hai ab
barsoñ huʾe gaʾe use par bhūltā nahīñ
yādash bah ḳhair mīr rahe ḳhvush jahāñ hai ab
Translations