ghazal |
![]() |
ʿishq hī ʿishq hai jahāñ dekho
sāre ʿālam meñ bhar rahā hai ʿishq
ʿishq hai t̤arz-o-t̤aur-e ʿishq ke taʾīñ
kahīñ bandah kahīñ ḳhudā hai ʿishq
ʿishq maʿshūq ʿishq ʿāshiq hai
yaʿnī apnā hī mubtalā hai ʿishq
gar parastish ḳhudā kī ṡābit kī
kisū ṣūrat meñ ho bhalā hai ʿishq
dil-kash aisā kahāñ hai dushman-e jāñ
muddaʿī hai pah muddaʿā hai ʿishq
hai hamāre bhī t̤aur kā ʿāshiq
jis kisī ko kahīñ huʾā hai ʿishq
koʾī ḳhvāhāñ nahīñ muḥabbat kā
to kahe jins-e nā-ravā hai ʿishq
mīr-jī zard hote jāte ho
kyā kahīñ tum ne bhī kiyā hai ʿishq
Translations