ghazal
{880}
 
-- urdu script -- devanagari -- diacritics -- plain roman -- more information --
 

{880,1}

yāro mujhe muʿāf rakho maiñ nashe meñ hūñ
ab do to jām-e ḳhālī hī do maiñ nashe meñ hūñ

{880,2}

ek ek qurt̤ daur meñ yūñ hī mujhe bhī do
jām-e sharāb pur nah karo maiñ nashe meñ hūñ

{880,3}

mastī se darhamī hai mirī guft-gū ke bīch
jo chāho tum bhī mujh ko kaho maiñ nashe meñ hūñ

{880,4}

yā hāthoñ hāth lo mujhe mānind-e jām-e mai
yā thoṛī dūr sāth chalo maiñ nashe meñ hūñ

{880,5}

maʿżūr hūñ jo pāʾoñ mirā be-t̤araḥ paṛe
tum sar-girāñ to mujh se nah ho maiñ nashe meñ hūñ

{880,6}

bhāgī namāz-e jumʿah to jātī nahīñ hai kuchh
chaltā hūñ maiñ bhī ṭuk to raho maiñ nashe meñ hūñ

{880,7}

nāzuk mizāj āp qiyāmat haiñ mīr-jī
jūñ shīshah mere muñh nah lago maiñ nashe meñ hūñ

 

{880,trans.}

Translations