ghazal
{887}
 
-- urdu script -- devanagari -- diacritics -- plain roman -- more information --
 

*{887,1}

āj hamāre ghar āyā hai tū kyā hai yāñ jo niṡār kareñ
illā kheñch baġhal meñ tujh ko der talak ham pyār kareñ

*{887,2}

ḳhāk huʾe bar-bād huʾe pā-māl huʾe sab maḥv huʾe
aur shadāʾid ʿishq kī rah ke kaise ham hamvār kareñ

{887,3}

zardi-e ruḳh ronā har dam kā shāhid do jab aise hoñ
chāhat kā inṣāf karo tum kyūñ-kar ham inkār kareñ

{887,4}

bāġh meñ ab ā jāte haiñ to ṣarfah apnā chup meñ hai
ḳhūbī bayāñ kar terī ham kyā gul ko gale kā hār kareñ

*{887,5}

shevah apnā be-parvāʾī naumīdī se ṭhahrā hai
kuchh bhī vuh maġhrūr dabe to minnat ham sau bār kareñ

{887,6}

ham to faqīr haiñ ḳhāk barābar ā baiṭhe to lut̤f kiyā
nang-e jahāñ lagtā ho un ko vāñ ve aisī ʿār kareñ

{887,7}

pattā pattā gulshan kā to ḥāl hamārā jāne hai
aur kahe to jis se ai gul be-bargī iz̤hār kareñ

{887,8}

kyā un ḳhvush-z̤āhir logoñ se ham yih tavaqquʿ rakhte the
ġhair ko le kar pās yih baiṭheñ ham ko galyoñ meñ ḳhvār kareñ

{887,9}

mīr-jī heñge ek jo āʾe kyā ham un se dard kaheñ
kuchh bhī jo sun pāveñ to yih majlis meñ bistār kareñ

{887,trans.}


Translations