ghazal |
![]() |
kiyā hai ʿishq jab se maiñ ne us turk-e sipāhī kā
phirūñ hūñ chūr zaḳhmī us kī teġh-e kam-nigāhī kā
agar ham qit̤aʿah-e shab sā liye chahrah chale āʾe
qiyāmat shor hogā ḥashr ke din rū-siyāhī kā
huʾā hai ʿārifān-e shahr ko ʿirfān bhī auñdhā
kih har darvesh hai mārā huʾā
ʿishq-e ilâhī kā
hameshah iltifāt us kā kisū ke baḳht se hogā
nahīñ sharmindah maiñ to us ke lut̤f-e gāh-gāhī kā
bah rang-e kah-rubāʾī shamʿa us kā rang jhamke hai
dimāġh-e sair us ko kab hai mere rang-e kāhī kā
baṛheñge ʿahd ke darvesh is se aur kyā yāro
kiyā hai laṛkoñ ne denā unhoñ ko tāj shāhī kā
ḳharāb aḥvāl kuchh baktā phire hai dair-o-kaʿbe meñ
suḳhan kyā muʿtabar hai mīr se vāhī tabāhī kā