ghazal
{1506}
 
-- urdu script -- devanagari -- diacritics -- plain roman -- more information --
 

*{1506,1}

kab vaʿde kī rāt vuh āʾī jo āpas meñ nah laṛāʾī huʾī
āḳhir us aubāsh ne mārā rahtī nahīñ hai āʾī huʾī

{1506,2}

chāh meñ us be-ulfat kī ghabrāhaṭ dil hī ko to nahīñ
sāre ḥavāsoñ meñ hai tashattut jān bhī hai ghabrāʾī huʾī

{1506,3}

garchih naz̤ar hai pusht-e pā par lekin qahr qiyāmat hai
gaṛ jātī hai dil meñ hamāre āñkh us kī sharmāʾī huʾī

{1506,4}

jangal jangal shauq ke māre nāqah-savār phirā kī hai
majnūñ jo ṣaḥrāʾī huʾā to lailâ bhī saudāʾī huʾī

*{1506,5}

dūd-e dil-sozān-e muḥabbat maḥv jo ho to ʿarsh pah ho
yaʿnī dūr bujhegī jā kar ʿishq kī āg lagāʾī huʾī

*{1506,6}

chitvan ke andāz se z̤ālim tark-e muruvvat paidā hai
ahl-e naz̤ar se chhuptī nahīñ hai āñkh kisū kī chhupāʾī huʾī

*{1506,7}

mīr kā ḥāl nah pūchho kuchh tum kuhnah ribāt̤ se pīrī meñ
raqṣ-kunāñ bāzār tak āʾe ʿālam meñ rusvāʾī huʾī