ghazal
{1537}
 
-- urdu script -- devanagari -- diacritics -- plain roman -- more information --
 

*{1537,1}

dūr bahut bhāgo ho ham se sīkhe t̤arīq ġhazāloñ kā
vaḥshat karnā shevah hai kyā achchhī āñkhoñ vāloñ kā

{1537,2}

ṣūrat-gar kī pareshānī ne t̤ūl nihāyat kheñchā hai
ham ne kyoñ bistār kiyā thā us ke lambe bāloñ kā

{1537,3}

bahut kiyā thā patthar meñ sūrāḳh kiye haiñ dirafshoñ ne
chhed jigar meñ kar denā yih kām hai maḥzūñ nāloñ kā

*{1537,4}

sarv-e lab-jū lālah-o-gul nasrīn-o-saman haiñ shigūfah hai
dekho jidhar ik bāġh lagā hai apne rangīñ ḳhayāloñ kā

*{1537,5}

ġhunchah huʾā hai ḳhār-e bayābāñ baʿd ziyārat karne ke
pānī tabarruk karte haiñ sab pāʾoñ ke mere chhāloñ kā

{1537,6}

pahle tadāruk kuchh hotā to nafʿa bhī hotā so to mīr
kām hai āḳhir ʿishq meñ us ke bīmāroñ bad-ḥāloñ kā