ghazal
{1577}
| ghazal |
|
tāb-e ʿishq nahīñ hai dil ko jī bhī be-t̤āqat hai ab
yaʿnī safar hai dūr kā āge aur apnī ruḳhṣat hai ab
vaṣl meñ kyā kyā ṣuḥbateñ rangīñ kis kis ʿaish meñ din gużre
tanhā baiṭh rahe haiñ yak sū hijr meñ yih ṣuḥbat hai ab
jab se binā-e ṣubḥ-e hastī do dam par yāñ ṭhahrāʾī
kyā kyā karye is muhlat meñ kuchh bhī hameñ furṣat hai ab
chor uchakke sikkh marahṭe shāh-o-gadā zar-ḳhvāhāñ haiñ
chain se haiñ jo kuchh nahīñ rakhte faqr bhī ik daulat hai ab
pāʾoñ pah sar rakhne kī mujh ko ruḳhṣat dī thī mīr un ne
kyā pūchho ho sar par mere minnat sī minnat hai ab