ghazal
{1706}
 
-- urdu script -- devanagari -- diacritics -- plain roman -- more information --
 

*{1706,1}

ʿāshiq ho to apne taʾīñ dīvānah sab meñ jāte raho
chakkar māro jaise bagolā ḳhāk uṛāte āte raho

{1706,2}

dostī jis ko log kaheñ haiñ jān se us ko ḳhusūmat hai
ho jāve jo tum ko kisī se tā maqdūr chhupāte raho

{1706,3}

dil lagne kī choṭ burī hai us ṣadme se ḳhudā ḥāfiz̤
bāre saʿī-o-kashish-koshish se jī ko apne bachāte raho

{1706,4}

āʾī bahār junūñ ho mubārak ʿishq allâh hamāre liye
naʿl jaṛe sīnoñ pah phiro tum dāġh saroñ pah jalāte raho

*{1706,5}

shāʿir ho mat chupke raho ab chup meñ jāneñ jātī haiñ
bāt karo abyāt paṛho kuchh baiteñ ham ko batāte raho

*{1706,6}

abr-e siyah qible se āyā tum bhī shaiḳho pās karo
taḳhfīfe ṭuk laṭ-paṭe bāñdho sāḳhtah hī madh-māte raho

*{1706,7}

kyā jāne vuh māʾil hove kab milne kā tum se mīr
qiblah-o-kaʿbah us kī jānib akṡar āte jāte raho