Tughluqabad

Humayun's tomb, from the Berger Collection

 

Ghazal 72

7 divan verses (out of 8); rhyming elements: ār ke pās
composed 1821; Arshi #72

-- urdu script -- devanagari -- diacritics -- plain roman -- more information --

{72,1}

muzhdah ai żauq-e asīrī kih naz̤ar ātā hai
dām-e ḳhālī qafas-e murġh-e giriftār ke pās

{72,2}

jigar-e tishnah-e āzār tasallī nah huʾā
jū-e ḳhūñ ham ne bahāʾī bun-e har ḳhār ke pās

{72,3}

muñd gaʾīñ kholte hī kholte āñkheñ hai hai
ḳhūb vaqt āye tum is ʿāshiq-e bīmār ke pās

{72,4}

maiñ bhī ruk ruk ke nah martā jo zabāñ ke badle
dashnah ik tez-sā hotā mire ġham-ḳhvār ke pās

{72,5}

dahan-e sher meñ jā baiṭhiye lekin ai dil
nah khaṛe hūjiye ḳhūbān-e dil-āzār ke pās

{72,6}

dekh kar tujh ko chaman baskih numū kartā hai
ḳhvud bah ḳhvud pahuñche hai gul goshah-e dastār ke pās

{72,7}

mar gayā phoṛ ke sar ġhālib-e vaḥshī hai hai
baiṭhnā us kā vuh ā kar tirī dīvār ke pās

The unpublished verse from this ghazal:

{72,8x}

kab faqīroñ ko rasāʾī but-e mai-ḳhvār ke pās
tūñbe bo dījiye mai-ḳhāne kī dīvār ke pās